သင့်လုပ်ငန်းနှင့် အခွန်ငွေ – အပိုင်း ၄

သင့်လုပ်ငန်းနှင့် အခွန်ငွေ – အပိုင်း ၄

အလုပ်သမား၊ဝန်ထမ်းများ ရှိနေပါက အခွန်ပိုင်းဆိုင်ရာ လိုက်နာရမည့် အချက်များ
အကယ်၍သင့်မှာ အလုပ်သမား၊ဝန်ထမ်းများ ရှိနေပါက အခွန်ဆိုင်ရာ သင်လိုက်နာရမည့် အချက်အလက်များကို လိုက်နာဆောင်ရွက်ခြင်း ပြုရမည်။

အလုပ်သမားများ၊ဝန်ထမ်းများကို သူတို့ ပထမဆုံးအလုပ်စတင်ချိန်တွင် အခွန်စာတွဲနံပါတ်ကြေငြာချက် (Tax File Number (TFN) declaration) ကို ဖြည့်စွက်ခိုင်းသင့်သည်။ သင့်မှာ အလုပ်သမားများ၊ဝန်ထမ်းများ ရှိသည်နှင့်တစ်ပြိုင်နက် သူတို့၏လစာထဲမှ အခွန်ကို
တိကျစွာဖြတ်ပြီး ATO ထံသို့ပေးသွင်းရမည်။ ဤလုပ်ငန်းစဉ်ကို ငွေကိုမပေးဘဲ ဆုပ်ကိုင်ထားခြင်း ဟုခေါ်ပြီး ပေးငွေများကို ထုတ်မပေးဘဲ ဆုပ်ကိုင်ထားခြင်း (PAYG) စံနစ်ဖြင့် ဆောင်ရွက်သည်။ သင်က အလုပ်သမား၊ဝန်ထမ်း၏ လစာထဲမှငွေကို မဖြတ်တောက်မီ သင့် အရောင်းအဝယ်စီးပွား ရေးလုပ်ငန်းကို ATO တွင် မှတ်ပုံတင်ရမည် ဖြစ်သည်။
အလုပ်သမား၊ဝန်ထမ်း၏ လစာထဲမှဖြတ်တောက်သောငွေပမာဏသည် သူတို့ကိုပေးရသော ငွေပမာဏနှင့် သင့်ကို သူတို့၏ TFN Declaration ကြေငြာချက်ထဲတွင် ပေးထားသော အချက်အလက်များပေါ်တွင် မူတည်ပါသည်။
ယေဘူယျအားဖြင့် ထို ဖြတ်တောက် ဆုပ်ကိုင်သောငွေကို သင်သုံးလတစ်ကြိမ် ရောင်းဝယ်ရေးလုပ်ငန်း အခွန်များ ရှင်းတမ်း (BAS) ကို တင်ပြသည့်အခါ ATO သို့ သတင်းပို့တင်ပြပြီး ငွေကိုပေးသွင်းရမည်ဖြစ်သည်။
သင့်အနေနှင့် အလုပ်သမား၊ဝန်ထမ်းတိုင်းကို ထိုဘဏ္ဍာရေးနှစ်အတွင်း သူတို့ထံမှ သင် ဖြတ်တောက် ဆုပ်ကိုင်သောငွေ စုစုပေါင်း၏ အကျဉ်းချုပ်စာရင်းကို ပေးဖို့လည်း လိုအပ်ပါသည်။ သင်သည် ထို ဖြတ်တောက် ဆုပ်ကိုင်သောငွေ စုစုပေါင်း၏ အကျဉ်းချုပ်စာရင်း (PAYG Summary) ကို ထိုဘဏ္ဍာရေးနှစ် (ဇူလိုင်လ ၁ ရက်နေ့မှ ဇွန်လ ၃၀ ရက်နေ့) ကုန်ဆုံးရက်မှ နှစ်ပါတ်အတွင်း သင့် အလုပ်သမား၊
ဝန်ထမ်းများကို ပေးရမည်ဖြစ်သည်။ ထို့အပြင်သင်သည် ဇွန်လ ၃၀ ရက်နေ့ ဘဏ္ဍာရေးနှစ်ကုန်ဆုံးပြီးသည့်အခါ သင့်အလုပ်သမား၊ဝန်ထမ်းများထံမှ ဖြတ်တောက်ဆုပ်ကိုင်ခဲ့သော ငွေစုစုပေါင်းကို ATO သို့ နှစ်ပါတ်လည်အစီရင်ခံစာတွင် ထည့်သွင်းတင်ပြရမည်ဖြစ်ပါသည်။

အငြိမ်းစား ရန်ပုံငွေ (SUPERANNUATION)
ဩစတြေးလျားနိုင်ငံဥပဒေများအရ အလုပ်ရှင်များသည် လစာ ဒေါ်လာ ၄၅၀ နှင့် အထက်ရရှိသော အသက် ၁၈ နှစ်နှင့် ၇၀ နှစ်အကြားရှိ အလုပ်သမား၊ဝန်ထမ်းများကို ပြက္ခဒိန်ပါ လတစ်လတိုင်း အငြိမ်းစား ရန်ပုံငွေ ထည့်သွင်းပေးရန် လိုအပ်ချက်ရှိပါသည်။ သင်က
ပေးဖို့လိုအပ်သော ငွေပမာဏမှာ ရခွင့်ရှိသော အလုပ်သမား၊ဝန်ထမ်း၏ အခြေခံလစာ၏ ၉% နှင့် ညီမျှပြီး သင်က ပိုပြီးထည့်ပေးလိုပါကလည်း ထည့်ပေးနိုင်ပါသည်။ အကယ်၍သင်သည် သုံးလပါတ်ကာလကုန်ဆုံးသွားပြီး နောက်လာသည့်လ ၂၈ ရက်နေ့အထိ လုံလောက်သောပေးသွင်းမှုများ မပြုလုပ်ရသေးပါက (အောက်တွင်ဖေါ်ပြထားသော ဇယားတွင် ကြည့်ပါ။) သင်သည် အလုပ်ရှင်မှ အလုပ်သမား၊ဝန်ထမ်း၏ အငြိမ်းစား ရန်ပုံငွေအတွင်းသို့ လျော့နည်းစွာ ငွေထည့်ပေးခြင်းအတွက် အပိုကြေးပေးရခြင်း ရှင်းတမ်း (Superannuation guarantee charge statement) ကို ဖြည့်စွက်တင်ပြရမည်ဖြစ်ပြီး ATO သို့ အပိုထည့်ဝင်ကြေးနှင့် အပိုကြေး ပေးရမည်ဖြစ်သည်။ ဤနည်းလမ်းသည် အခွန်ဆောင်ရမည့်ငွေထဲမှ မနှုတ်နိုင်သော အတိုးများနှင့် အပိုကြေးများပါဝင်နေသည့်အတွက် ပိုပြီး အကုန်အကျများသောနည်းလမ်းဖြစ်သည်။